کابل (پژواک، ۲۳ لړم ۱۴۰۱): د پاکستان د کورنیو چارو وزارت په دغه هېواد کې افغانانو او ټولو بهرنيانو ته چې قانوني اسناد نه لري، خبرداری ورکړی چې د روان زېږديز کال تر پایه له دغه هېواده ووځي.
د پاکستان د کورنیو چارو وزارت پر خپله وېبپاڼه لیکلي، هغه بهرنیان چې په دغه هېواد کې یې د ویزو موده پای ته رسېدلې، خو لا هم په کې پاتې دي، ویزې او قانوني اسناد دې واخلي او یا دې ووځي.
د سرچینې په وینا، که دغه کسان د روان میلادي کال د ډيسمبر میاشتې تر ۳۱مې نېټې مخکې له پاکستان څخه ونه وځي، وروسته په درې کاله بند محکومېدلای شي.
په ورته وخت کې، د «سيبيسي» په نوم یوې رسنۍ هم خبر ورکړی چې دې پرېکړې هغه افغانان چې په پاکستان کې کاناډا ته د تلو انتظار باسي، اندېښمن کړي دي.
په افغانستان کې د تېر کال په اګست کې د جمهوري نظام له ړنګېدو وروسته زرګونه افغانان پاکستان ته تللي او هلته نورو بهرنیو هېوادونو ته د تګ لپاره انتظار دي.
Visits: 950
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن