کابل (پژواک، ۵ لېندۍ ۱۴۰۱): په کابل ښار کې نن د تېرو اووه ورځو په پرتله د قزاقي اوړو بیه رالوېدلې، د هندۍ بورې بیه لوړه شوې، خو د نورو لومړنیو اړینو توکو بیې پر خپل حال پاتې دي.
په کابل ښار کې د خوراکي توکو سوداګرو ټولنې مشر زمري صافي پژواک خبري اژانس ته وویل چې نن د تېرې شنبې په پرتله، د ۴۹ کیلوګرام قزاقي اوړو عمده پلور بیه له ۲۳۵۰ څخه ۲۳۰۰ افغانیو ته راټيټه شوې ده.
هغه وايي چې په قزاقستان کې هم د اوړو بیه ټيټه شوې ده.
خو نوموړي زیاته کړه، نن د تېرو اووه ورځو په پرتله د ۴۹ کیلوګرامه هندۍ بورې عمده پلور بیه د وارداتو کموالي او د تقاضا ډېروالي له امله له ۳۰۰۰ څخه ۳۱۰۰ افغانیو ته لوړه شوې ده.
د نوموړي په وینا، نن د تېرې شنبې په څېر د ۱۶ لېتره مالیزیايي غوړیو عمده پلور بیه ۱۸۵۰ افغانۍ، د ۲۴.۵ کیلوګرامه لومړۍ سېله پاکستانۍ وریجو ۳۰۰۰ افغانۍ، د یو کیلوګرام افریقايي تور چای ۴۰۰ افغانۍ او یو د کیلوګرام اندونیزیايي شین چای ۳۵۰ افغانۍ دي.
د یو شمېر توکو پرچون پلور بیه د هغو له عمده بیې سره په ځينو مواردو کې لږ، خو په ځینو کې بیا ډېر توپیر لري.
د کابل ښار په «دهن باغ» سیمه کې د خوراکي توکو پرچون پلورونکي حامد صوفيزاده وویل، نن د ۴۹ کیلوګرامه قزاقي اوړو پرچون پلور بیه ۲۴۰۰ افغانۍ، ۲۴ کیلوګرامه لومړۍ سېله پاکستانۍ وریجې ۳۰۵۰ افغانۍ، ۴۹ کیلوګرامه هندۍ بوره ۳۱۵۰ افغانۍ، ۱۶ لېتره مالیزیايي غوړي ۱۹۰۰ افغانۍ، یو کیلوګرام اندونیزیايي شین چای ۴۰۰ افغانۍ او یو کیلوګرام افریقايي تور چای ۴۵۰ افغانۍ دي.
د ډېزل او پټرول تېلو بیې له بدلون پرته پرځای پاتې دي.
د «احمدیار ګروپ» د تېلو ټانک یوه کارکوونکي پژواک خبري اژانس ته وویل، نن د تېرو اووه ورځو په څېر، د یو لېتر پټرولو بیه ۷۷ افغانۍ او د یو لېتر ډیزلو بیه ۹۴ افغانۍ ده.
د کابل ښار کلولهپشته سیمې یو ګاز پلورونکی محمدشریف وايي، نن د تېرې شنبې په څېر، د یو کیلوګرام اوبلن ګاز بیه ۶۶ افغانۍ ده.
د سرو زرو بیې هم بدلون نه دی کړی.
د کابل ښار د «مریم لېسې» بازار د سرو زرو یوه پلورونکي محمدجاوېد وویل، نن د تېرې شنبې په څېر، یو ګرام ۷۵۰ عیاره عربي سره زر په ۴۱۰۰ افغانۍ او یو ګرام ۵۸۵ عیاره روسي سره زر په ۳۳۵۰ افغانیو پلوري.
د اسعارو بیه
د کابل ښار د شهزاده سرای «صداقت» صرافۍ مالک حاجي حسین وویل، نن د یوه امریکايي ډالر د پېر ارزښت ۸۹ افغانۍ دی او زر پاکستانۍ کلدارې په ۳۷۰ افغانۍ تبادله کېږي.
غړي
You need to subscribe to view the full article. Please login or register a new account.
