جلال اباد (پژواک، ۱۵ لېندۍ ۱۴۰۱): د ننګرهار د مرافعه محکمې رياست وايي، د دغه ولایت په ګوشته ولسوالۍ کې د لومړنۍ محکمې له لوري يوه ښځه او دوه سړي د نامشروع اړيکو درلودو په جرم په درو وهل شوي دي.
د ننګرهار مرافعه محکمې رياست د نشراتو له مديريته د لېندۍ په ۱۵مه پژواک اژانس ته رالېږل شوې خبرپاڼه کې راغلي چې د ګوشتې ولسوالۍ د ابتدائيه شرعي محکمې له خوا د يوې مېرمنې په ګډون درې کسان په درو وهل شوي دي.
په خبرپاڼه کې راغلي: «په ۱۴۴۴/۵/۱۰ هــ ق تاریخ د ننګرهار ولایت ګوشتې ولسوالۍ په انګړ کې درې تنه هر يو چمن ولد محمد، دلاور ولد محمدګل او بيبي امنه بنت عبدالکریم د غيرمشروع روابطو درلودو په موضوع کې له ۱۲ تر ۲۰ درو پورې ووهل شول.»
د خبرپاڼې د معلوماتو له مخې، د قضائيه پلاوي له خوا دلاور په ۲۰، چمن په ۱۹ او بيبي امنه په ۱۲ درو په عام محضر کې د محکومو کسانو د قناعت په موجوديت کې ووهل شول.
خبرپاڼه راغلي چې د حکم د تطبیق په وخت کې د ګوشتې ولسوالۍ ولسوال، امنیه قوماندان، د امنیت مدیر، د امر باالمعروف او نهې عنالـمنکر امر او محتسبين، ديني عالمان، سپینږیري او ځوانان موجود وو.
دا په داسې حال کې ده چې تېره اونۍ په کابل کې هم د شپږو ښځو په ګډون ٢١ کسان د بېلابېلو جرمونو له امله په درو ووهل شول.
غړيYou need to subscribe to view the full article. Please login or register a new account.
