<p style="text-align: justify;">کابل (پژواک، ۱۶ سلواغه ۱۴۰۱): د افغاني سرې میاشتې مسوولین وايي، د تېرو اووه میاشتو پر مهال د هېواد په ۳۴ ولایتونو کې له ۱۳۴ زره او ۱۰۳ کورنیو سره -چې ۹۳۸ زره او ۷۲۵ غړي لري- مرستې شوې دي.</p>
<p style="text-align: justify;">د سرې میاشتې ویاند عرفانالله شرفزوی پژواک اژانس ته وویل: «په تېرو ۷ میاشتو کې د افغانستان په ۳۴ ولایتونو کې له ۹۳۸۷۲۵ اړو کسانو سره د خوراکي او غیرخوراکي توکو او نغدي مرستې شوې دي.»</p>
<p style="text-align: justify;">هغه زیاته کړه چې یاد شمېر کسان له ۱۳۴ زره او ۱۰۳ کورنیو څخه دي.</p>
<p style="text-align: justify;">نوموړي د نغدو پیسو د اندازې په اړه معلومات ورنکړل.</p>
<p style="text-align: justify;">خو هغه زیاته، په غیرنغدي مرستو کې اوړه، غوړي، لوبیا، وریجې، بوره، چای، مکروني،روب، خرما، دال، بسکېټ، کمپلې، خیمې، ترپالونه، جمپرونه، څادر، بوټان، ژمني لباسونه، جرابې، دستکشې، د پخلنځي سیټونه، صابون، غالۍ، فرش او د اوبو کولرونه شامل دي.</p>
