اټلانټا (پژواک، ۴ کب ۱۴۰۱): د راپورونو له مخې، د ایران د ورزش وزیر د چورلکې لوېدو پېښه کې سخت ټپي او سلاکار یې مړ شوی دی.
ایراني رسنیو خبر ورکړی چې دا پېښه د کب په ۴مه، د دغه هېواد د کرمان ولایت د بافت ولسوالۍ په هوایي ډګر کې رامنځته شوې ده.
سرچینو ویلي، په دې چورلکه کې د ایران د ورزش وزیر حمید سجادي، د هغه سلاکار او ګڼ شمېر نور سپاره وو چې په هوایي ډګر کې د کېناستو پر مهال لوېدلې ده .
ایراني رسنیو ویلي، په دې پېښه کې سجادي سخت ټپي او سلاکار یې مړ شوی دی.
د سرچینو په وینا، په یاده پېښه کې ۱۵ نور کسان ژوبل شوي دي.
Visits: 142
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن