کابل (پژواک، ۵ کب ۱۴۰۱): د ملګرو ملتونو د بشري مرستو د همغږۍ ادارې (اوچا) له مرستندویه بنسټونو غوښتي چې د افغانستان له خلکو سره خپلو مرستو ته دوام ورکړي.
اوچا په یوه ټویټ کې لیکلي: «نور ډېر لاملونه شته چې په افغانستان کې بشردوستانه مرستې لومړنۍ اړتیا ده او له دغه هېواد سره مرستو ته باید دوام ورکړل شي.»
په دغه ټویټ راغلي چې په ۲۰۲۳ کال کې له ۲۳،۷ میلیون وګړو سره د مرستو لپاره ۴،۶ ملیارد ډالرو ته اړتیا ده.
سرچینې لیکلي، مرستندویه ټولنې کولی شي چې خپلو ژمنو مرستو ته دوام ورکړي او د کرکیلې په موسم کې له اړو کورنیو ملاتړ وکړي.
اوچا همداراز طبعي افتونو په ځانګړي ډول سېلابونو ته په اشارې له مرستندویه بنسټونو غوښتي چې د دغو افتونو له پېښېدو وړاندې له اړو خلکو سره مرستو ته چمتووالی ولري.
د یادونې ده، هر کال د پسرلي په پیلېدو سره د هېواد په ځینو ولایتونو کې د سېلابونو راوتلو له امله خلکو ته ځاني او مالي زیانونه اوړي.
Visits: 55
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن