کابل (پژواک، ۱۷ غویی ۱۴۰۲): د افغانستان د صنعت او سوداګرۍ وزارت وایي، چینایي پانګهوال لېواله دي چې په افغانستان کې د لمریزې برېښنا تولید، د لویو لارو جوړولو او د کانونو په برخو کې پانګونه وکړي.
د صنعت او سوداګرۍ وزارت پر خپله ټویټرپاڼه لیکلي چې د دغه وزارت مرستیال مولوي قدرتالله جمال تېره ورځ په کابل کې د چین له یو شمېر پانګهوالو سره ولیدل.
سرچینې لیکلي، په دي لیدنه کې چینایي پانګهوالو وویل، د تجربه لرونکو، مسلکي کسانو او مجهزو تخنیکي ألو په لرلو سره غواړي چې په افغانستان کې د لمریزې برېښنا، د لویو لارو جوړولو، کانونو او نورو بېلابېلو برخو کې پانګونه وکړي.
د خبرپاڼې له مخې، چینایي پانګهوالو ویلي، غواړي د صنعت او سوداګرۍ له وزارت سره په همغږۍ د افغان سوداګرو یوې ډلې ته د چین له تولیدي کارخونو د لیدنې زمینه هم برابره کړي.
سرچینه زیاتوي چې په یاده لیدنه کې د صنعت او سوداګرۍ وزارت مرستیال د سوداګرۍ او پانګونې په برخه کې چینایي پانګهوالو ته د اسانتیاوو برابرولو ډاډ ورکړ.
جمال له چینایي پانګهوالو غوښتي چې افغانستان کې د پانګونې په برخه کې خپل پلانونه په لیکلې بڼه له یاد وزارت سره شریک کړي څو په اړه یې په اقتصادي کمېسیون کې بحث وشي.
غړيYou need to subscribe to view the full article. Please login or register a new account.
