جلال‌اباد ښار کې د تعميراتي موادو يوه مارکېټ کې اور لګېدلى

<p style="text-align: justify;">جلال‌اباد (پژواک، ٣١ غبرګولى ١٤٠٢): د ننګرهار په مرکز جلال‌اباد ښار کې د تعميراتي موادو يوه مارکېټ کې اورلګېدنه رامنځته ته شوې ده.</p>

<p style="text-align: justify;">د ننګرهار د اطفايې مدير حاجي رشيد پژواک خبري اژانس ته وويل، نن له غرمې وروسته د جلال‌اباد ښار درېیمې ناحيې اړوند د قالينو کوڅه کې د تعميراتي موادو د پلور يوه مارکېټ کې اور لګېدلی دى.</p>

<p style="text-align: justify;">هغه وايي، پېښه ځاني تلفات نه لري خو خلکو ته يې مالي زيانونه اړولي دي.</p>

<p style="text-align: justify;">هغه وويل، د اور وژنې ډله ساحې ته رسېدلې خو د اور لګېدنې لامل تر اوسه روښانه نه دى.</p>

<p style="text-align: justify;">په دې اړه به نور جزئيات وروسته خپره شي.</p>