څه باندې ۳۰۰ نور افغانان کاناډا ته ولېږدول شول

<p style="text-align: justify;">کابل (پژواک،۲۲ وږی ۱۴۰۲): د کاناډا د کډوالۍ چارو اداره وایي چې ۳۳۰ نور افغان کډوال يې دغه هېواد لېږدولي دي.</p>

<p style="text-align: justify;">د کاناډا د کډوالۍ چارو ادارې (<strong><a href="https://twitter.com/CitImmCanFR/status/1701646499807924502">IRCC</a></strong>) تېره شپه پر خپله اېکس پاڼه لیکلي چې یاد شمېر افغان کډوال د کاناډا کالګري ښار ته لېږدول شوي.</p>

<p style="text-align: justify;">سرچینې دا نه دي ویلي چې یاد افغان کډوال یې له کوم ځایه کاناډا ته لېږدولي دي.</p>

<p style="text-align: justify;">یاد هېواد له دې مخکې افغان کډوال له پاکستان، تاجکستان او متحده عربي اماراتو لېږدولي دي.</p>

<p style="text-align: justify;">سرچینې لیکلي، د ۲۰۲۱ زېږدیز کال له اګسټ میاشتې راهیسې کاناډا ته ۳۷۰۰۰ افغان کډوال رسېدلي او د روان زېږدیز کال تر پایه به لږ تر لږه ۴۰ زره افغانان ومني.</p>