ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

د هلمند د ګرمسېر او ګرشک ولسوالیو له روغتونونو سره د امبولاسونو مرسته وشوه

د هلمند د ګرمسېر او ګرشک ولسوالیو له روغتونونو سره د امبولاسونو مرسته وشوه

author avatar
14 Dec 2023 - 14:06
د هلمند د ګرمسېر او ګرشک ولسوالیو له روغتونونو سره د امبولاسونو مرسته وشوه
author avatar
14 Dec 2023 - 14:06

لښکرګاه (پژواک، ۲۳ لېندۍ ۱۴۰۲): د ملګرو ملتونو د وګړو صندوق په مالي ملاتړ د هلمند د دوو ولسوالیو له روغتونونو سره د ۱۵۰ زره امریکایي ډالرو په ارزښت د دوو امبولانسونو مرسته وشوه.

د باران موسسې ولایتي مسوول ډاکټر صبغت‌الله ذاکر په دې اړه جوړې شوې غونډې ته وویل چې دغه امبولانسونه یې د ملګرو ملتونو د وګړو صندوق (UNFPA) په مالي ملاتړ د هلمند ګرمسېر او ګرشک ولسوالیو روغتونو ته ورکړل.

هغه وویل چې د هر امبولانس بیه ۷۵ زره امریکایي ډالره ده.

د هغه په خبره، دغه امبولانسونه به په یادو ولسوالیو کې د روغتیا ځالو لپاره خدمات وړاندې کوي او د ناروغانو لېږدولو برخه کې به ترې کار اخیستل کېږي.

هغه دغه راز وویل چې د یادو موټرو د تېلو لګښت او چلوونکو معاشونه د باران موسسې له لوري ورکول کېږي.

د هلمند عامې روغتیا ریاست مرستیال ډاکټر نقیب‌الله فاتح هم وایي چې د یادو ولسوالیو روغتونو کې د امبولانسونو شتون ډېر زیات اړین دی.

هغه زیاته کړه چې له دې وروسته به ناروغان پر وخت روغتونونو ته انتقالېږي او د مور او ماشوم مړینې کچه کې به هم ټیټوالی راشي.

Views: 26

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.