بغلان او سرپل کې د کرکټ سیالۍ پای ته ورسېدې

<p style="text-align: justify;">پلخمري - سرپل (پژواک، ۲۸ سلواغه ۱۴۰۲): د بغلان په ډنډغوري ولسوالۍ کې د ۱۸ او د سرپل په مرکز کې د اتو لوبډلو ترمنځ د ټېب‌بال کرکټ سیالۍ پای ته ورسېدې.</p>

<p style="text-align: justify;">د بغلان د بدني روزنې او ورزش امر قاري امیرمحمد امیري پژواک خبري اژانس ته وویل، د کورني کرکټ د ټېپ‌بال فدراسیون له لوري د دغه ولایت د کرکټ د ۱۸ لوبډلو ترمنځ پیل شوې سیالۍ تېر ورځ د بابر لوبډلې په بریا پای ته ورسېدې.</p>

<p style="text-align: justify;">هغه زیاته کړه، یادې سیالۍ شاوخوا یوه میاشت وړاندې د دغه ولایت په ډنډغوري ولسوالۍ کې پیل شوې وې.</p>

<p style="text-align: justify;">د مومن خان په نوم یو ځوان چې د یادو سیالیو مالي لګښت یې پر غاړه اخیستی، وايي، موخه یې ورزش ته د ځوانانو هڅول دي.</p>

<img class="aligncenter wp-image-596584 " src="https://pajhwok.com/wp-content/uploads/2024/02/کرکت-سرپل-1024x667.jpg" alt="" width="637" height="408" />

<p style="text-align: justify;">هخوا بیا په سرپل ولایت کې د اتو لوبډلو ترمنځ د «اسلامي امارت» په نوم د کرکټ سیالۍ د سرپل ټایګر لوبډلې په بریا پای ته ورسېدې.</p>

<p style="text-align: justify;">د دغو لوبو یوه مسوول محمد نسیم پژواک ته وویل، یادې سیالۍ یې د اتو لوبډلو په ګډون ۲۰ ورځې وړاندې پیل کړې وې چې نن پای ته ورسېدې.</p>

<p style="text-align: justify;">د یادونې ده چې له دې مخکې هم په یادو ولایتونو کې دغه ډول سیالۍ ترسره شوې دي.</p>