کابل (پژواک، ۲۲ زمری ۱۴۰۳): د نیوزیلېنډ کرکټ بورډ د افغانستان پر وړاندې د یوازنۍ ټېسټ لوبې لپاره خپله لوبډله اعلان کړه.
د کرکټ نړۍوالې شورا نن پر خپله فېسبوک پاڼه لیکلي چې د نیوزیلېنډ کرکټ بورډ د افغانستان پر وړاندې د ټېسټ لوبې لپاره خپله ۱۵ کسیزه لوبډله اعلان کړه.
د کرکټ نړۍوالې شورا د معلوماتو له مخې، په یاده لوبډله کې ټیم سووتي لوبډلمشر، ټام بلنډیل، مایکل بریسویل، ډیون کانوی، مټ هینري، ټام لاتم، ډاریل مچل، ویل او رورکی، اعجاز پټیل، ګلین فیلیپس، راچین روینډرا، مچل سانټنر، بین سیرز، کین ویلیامسن، ویل ینګ شامل دي.
دا لومړی ځل دی چې د هېواد کرکټ ملي لوبډله له نیوزیلېنډ سره ټېسټ لوبه ترسره کوي.
همدارنګه، د افغانستان کرکټ بورډ تراوسه پورې د نیوزیلېنډ پر وړاندې د ټېسټ لوبې لپاره لوبډله نه ده اعلان کړې.
دغه راز، یاده لوبه د هند د ګریټر نویډا ایالت په لوبغالي کې ترسره کېږي چې د سپټمبر په نهمه به پیل او د همدې میاشتې تر ۱۳مې به دوام وکړي.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن