<p style="text-align: justify;">ترینکوټ (پژواک، ۳ وږی ۱۴۰۳): د ملګرو ملتونو د خوړو او کرنې سازمان له لوري د اروزګان په دهراوود ولسوالۍ کې د یوه کانال او استنادي دېوال جوړېدو چارې پیل شوې.</p>
<p style="text-align: justify;">د ملګرو ملتونو د خوړو او کرنې سازمان له لوري د اروزګان ولایت دهراوود ولسوالۍ کې د یوه کانال او استنادي دېوال د جوړېدو چارې پیل شوې چې شاوخوا ۱۱۰ زره امریکايي ډالر لګښت به ورباندې وشي.</p>
<p style="text-align: justify;">د دغه ولایت د اقتصاد رییس مولوي مولاداد حسن د یادې پروژې د کار د پیل په مراسمو کې وویل، په دې پروژه کې د۲۵۰ متره په اوږدوالي استنادي دېوال، د څلورو پلچکونو او د اوبو د یوه کانال جوړېدل شامل دي چې چارې به یې په پنځو میاشتو کې بشپړې شي.</p>
<p style="text-align: justify;">ورته مهال، دغه ولایت کې د سیندیزي فرعي حوزې رییس مولوي خلیلالرحمن عمر وویل، د دغه کانال په جوړېدو سره به سیمه کې درې سوه هکټاره ځمکه خړوبه شي.</p>
<p style="text-align: justify;">د یادونې ده، د اروزګان ولایت څه باندې ۹۰ سلنه خلک پر کرنه او مالداري بوخت دي چې دا ډول پروژې ورته حیاتي ارزښت لري.</p>
