<p style="text-align: justify;">کابل (پژواک، ۹ لېندۍ ۱۳۰۴): د کرکټ نړۍوالې شورا د افغانستان د کرکټ ملي لوبډلې لوبغاړی عظمتالله عمرزی د ۲۰۲۴ کال د یو ورځنیو سیالیو د غوره لوبغاړي جایزې ته نوماند کړی دی.</p>
<p style="text-align: justify;">د کرکټ نړۍوالې شورا (آیسيسي) نن پر خپله فیسبوکپاڼه په یوه خبرپاڼه کې ویلي چې د څلورو نور لوبغاړو ترڅنګ یې د افغانستان د کرکټ ملي لوبډلې الراونډر لوبغاړی عظمتالله عمرزی د ۲۰۲۴ کال د غوره لوبغاړي جایزې ته نوماند کړی دی.</p>
<p style="text-align: justify;">د کرکټ نړۍوالې شورا د عمرزي ترڅنګ سریلانکايي لوبغاړي کوسال مېنډېس او ونېنډو هسرنګا او بل ویسټنډیزی لوبغاړی شریفین رادرفورډ هم دغې جایزې ته نوماندان کړي دي.</p>
<p style="text-align: justify;">دغو لوبغاړو ته د آیسيسي پر وېبپاڼه د رایو ورکولو کړکۍ جوړه شوې او مینهوال یې کولی شې له همدې لارې ورته خپله رایه وکاروي.</p>
<p style="text-align: justify;">که هر لوبغاړي له نورو ډېرې رایې واخیستې د ۲۰۲۴ کال د یو ورځينو لوبو د غوره لوبغاړي جایزه به ورکړل شي.</p>
