کابل (پژواک، ۲۲ سلواغه ۱۴۰۳): د فوټبال فدراسیون د برازیل په کوربهتوبه د فوټسال څلور اړخیزو سیالیو ته د چمتووالي په موخه د هېواد د فوټسال ملي لوبډلې ۱۸ کسیزه نوملړ اعلان کړ.
د افغانستان د فوټبال فدراسیون نن پر خپله فېسبوکپاڼه د فوټسال څلور اړخیزو سیالیو ته د چمتووالي په موخه د هېواد ملي لوبډلې ۱۸ کسیز نوملړ په ډاګه کړ.
سرچینې ویلي، په دغه نوملړ کې محمدجواد صفري، علي رضا جغفري، علياحمد محسني، مهدي نوروزي، حمید رضا حسیني، خداداد ابراهیمي، رضا حسینپور، مهران علامي، امید قنبري، اکبر کاظمي، محمد مرادي، فرزاد محمودي، حسین محمدي، سید مجتبی حسیني، بهمن ګرګیج، حسین حسنزاده، محمدعلي ممتاز او عبدالبشیر احمدي شامل دي.
د معلوماتو له مخې، یاد لوبغاړي به د ایران په مشهد ښار کې له تمریناتي کمپ وروسته په یادو څلور اړخیزو سیالیو کې ګډون وکړي.
د افغانستان فوټبال فدراسیون د سلواغې په ۲۲مه ویلي وو، د هېواد د فوټسال ملي لوبډله د برازیل په کوربهتوب د فوټسال څلور اړخیزو سیالیو کې ګډون کوي چې د روان ۱۴۰۳ کال د کب میاشتې له ۱۳مې تر ۱۹مې نېټې پورې به ترسره شي.
په یادو سیالیو کې د افغانستان ترڅنګ د ایران، ګرینلینډ او برازیل د فوټسال ملي لوبډلې ګډون لري.
دا په داسې حال کې ده چې د سلواغې په ۱۷مه د فوټبال فدراسیون له ایراني روزونکي مجید مرتضایي سره د یوه بل کال لپاره قرارداد وغځاوه او افغان لوبغاړي به په یادو څلور اړخیزو سیالیو د دغه روزونکي په لارښوونه ولوبېږي.
GET IN TOUCH
NEWSLETTER
SUGGEST A STORY
PAJHWOK MOBILE APP