کابل (پژواک، ۳۱ غویی ۱۴۰۴): د افغانستان د فوټبال ۱۶ کلنو ملي لوبډله د مرکزي اسیا اتلولۍ (کافا) سیالیو کې د ګډون په موخه نن اوزبېکستان ته لاړه.
د افغانستان د فوټبال فدراسیون نن پر خپله فیسبوکپاڼه لیکلي، د هېواد د ۱۶ کلنو فوټبال ملي لوبډله د مرکزي اسیا اتلولۍ (کافا) سیالیو کې د ګډون په موخه نن چهارشنبه د اوزبېکستان پلازمېنې تاشکند ته لاړه.
د فوټبال فدراسیون د معلوماتو له مخې، د مرکزي اسیا اتلولۍ (کافا) سیالۍ د روانې مې میاشتې په ۲۴مه د اوزبېکستان په کوربهتوب پیلېږي.
په دغو سیالیو کې د افغانستان په ګډون، د ایران، اوزبېکستان، تاجکستان، قرغزستان او د ترکمنستان د فوټبال لوبډلې برخه لري.
د یادونې ده چې افغان لوبډلې تېر کال د دغو سیالیو اتلولي ګتلې وه.
GET IN TOUCH
NEWSLETTER
SUGGEST A STORY
PAJHWOK MOBILE APP