امریکا کې د یوې غونډې پر ګډونوالو برید کې شپږ کسان ټپیان شوي

کابل (پژواک، ۱۲ غبرګولی ۱۴۰۴): د راپورونو له مخې، د امریکا متحده ایالتونو د کلوراډو ایالت په بولډر ښار کې پر یوې غونډې د برید پایله کې شپږ کسان ټپیان شوي او شکمن کس نیول شوی دی.

الجزیرې راپور ورکړی چې دغه غونډه په غزه کې د پاتې اسرائیلي بندیان په یاد جوړه شوې وه.

راپور کې راغلي چې یوه ۴۵ کلن سړي «د فلسطین لپاره ازادي» د نارو په وهلو سره د یادې غونډې کسانو ته اورشیندونکي بمونه ور وغورځولي چې له امله یې شپږ کسان ټپیان شوي دي.

د سرچینې د معلوماتو له مخې، د دې پېښې شکمن کس د پولیسو له لوري نیول شوی دی.