افغانستان

د احصایې او معلوماتو ملي اداره وايي چې د تېرې یوې میاشتې په موده کې د افغانستان د وارداتو کچه ۱۰۰۳،۱ میلیون او د صادراتو بیا ۱۰۰،۱ میلیون ډالر وه.

د افغانستان له ۱۹ کلنو کم‌عمره کرکټ ملي لوبډلې د ۲۰۲۶ کال نړۍوال جام سیالیو ته لار پیدا کړه.

افغان ابدالیان کرکټ لوبډلې د درې اړخیزې لوبلړۍ په خپله دویمه یو ورځینۍ لوبه کې د ایرلینډ الف لوبډلې ته ماتې ورکړه.

د افغانستان کرکټ بورډ وایي، افغان ابدالیان کرکټ لوبډله په درې اړخیزه لوبلړۍ کې نن له ایرلینډ الف لوبډلې سره یو ورځینۍ لوبه ترسره کوي.

د ټولیز امنیت تړون سازمان د افغانستان له ځینو سرحدي ولایتونو د امنیتي ګواښونو په اړه اندېښنه ښودلې، خو ا.ا وایي، په دې اړه اندېښنې بې‌ځایه دي، د پولو د امنیت خوندي کولو لپاره یې کوټلي ګامونه اخیستي او د سیمې امنیت په اړه باید ټول هېوادونه خپل مسوولیت ادا کړي.

د اسلامي امارت ویاند ذبیح‌الله مجاهد وایي، نن په کابل کې د همغږۍ د ګډې کمېټې په نوم د افغانستان او پاکستان ترمنځ ګډه غونډه کېږي.

کابل کې نن د ماینونو د خطرو په اړه د پوهاوي او د ماین‌پاکۍ له چارو د ملاتړ نړۍوالې ورځې په مناسبت جوړه شوې غونډه کې مسوولینو وویل، په ۲۰۲۴ کال کې په ټول هېواد کې د ماینونو او ناچاودو توکو چاودنو له امله ۶۱۳ کسانو ته مرګ‌ژوبله اوښتې ده.

افغان او قزاقي چارواکو د افغانستان د اوسپنې پټلۍ شبکې پر پراخولو او معياري کولو، د اوسپنې پټلۍ د سوداګريزو انتقالاتو د کچې او ظرفيت لوړولو، د افغانستان له لارې د قزاقستان د تجارتي توکو د ترانزیټ د کچې لوړولو په اړه خبرې کړې دي.

د افغانستان کرکټ بورډ وایي، افغان ابدالیان کرکټ لوبډله په درې اړخیزه لوبلړۍ کې نن له سریلانکا الف لوبډلې سره یو ورځنۍ لوبه ترسره کوي.

د افغانستان د کرکټ له ۱۹ کلنو کم‌عمره ملي لوبډلې د ۲۰۲۶ کال نړۍوال جام ته د لارموندنې سیالیو په لړ کې په خپله دویمه یو ورځنۍ لوبه کې هانګ‌کانګ لوبډلې ته ماته ورکړه.

د افغانستان لپاره د اروپايي ټولنې ځانګړی استازی ټوماس نیکولسن وايي، د ده ماموریت پای ته رسېدلی خو اروپايي ټولنه د افغانستان له خلکو سره پر خپلو ژمنو ولاړه ده او په دغه هېواد کې به خپل حضور ته دوام ورکوي.

د ازبېکستان د کرنې وزیر د افغانستان د کرنې له وزیر سره په لیدنه کې ویلي، هېواد یې چمتو دی د کرنې په بېلابېلو برخو کې له افغانستان سره همکاري وکړي.