دا راپور واورئ
۰:۰۰ / ۱:۰۰
ميمنه (پژواک ١٢تله ٩٢) : د فارياب ولايت په قيصار ولسوالۍ کې د ماين چاودنې له امله دوه سرحدي پوليس ووژل شول او نهه عام وګړي ټپيان شول .
د قيصار د ولسوال عبدالجميل صديقي په وينا، چې دغه ريموټ کنټرول ماين په يوه موټر سايکل کې ځاى پرځاى شوى و ، چې نن له غرمې مخکې په يوولس نيمو بجو د بازار په ورځ د چيچکتواينو په سيمه وچاوديد.
ده وويل ، چې په دغه چاودنه کې دوه سرحدي پوليس ، چې پر ګزمې بوخت وو و ووژل شول او نهه عام وګړي ټپيان شول .
د ولسوال په خبره ، چې ټپيان په وخت روغتيايي کلينيک ته رسول شوي او د ټولو روغتيايي حالت ښه دى .
ددغې چاودنې مسووليت تراوسه پورې چا پرغاړه نه دى اخيستى .
