دا راپور واورئ
۰:۰۰ / ۱:۰۰
کابل (پژواک ١٩ ليندۍ ٩٢): د کورنيو چارو وزارت وايي ، چې د وسله والو مخالفينو په يوه بريد کې شپږ عام وګړي وژل شوي دي.
د دغه وزارت د مطبوعاتي دفتر له خوا د ليندۍ په ١٩مه پژواک خبري اژانس ته په يوه رالېږل شوې خبرپاڼه کې راغلي، چې دا پېښه تېره شپه د بادغيس ولايت په بالامرغاب ولسوالۍ کې رامنځته شوې ده.
سرچينې زياته کړې، چې د وسله والو مخالفينو له خوا توغول شوې د راکټ مرمۍ د خلکو پر کور لګېدلې، چې له امله يې شپږ عام وګړي وژل شوي دي.
د کورنيو چارو وزارت د مخالفينو دغه کړنه غندلې او زياته کړې يې ده، چې وسله وال تل عام وګړي په نښه کوي.
وسله والو تر اوسه په دې اړه څه نه دي ويلي.
