دا راپور واورئ
۰:۰۰ / ۱:۰۰
باميان (پژواک، ١٢ سلواغه ٩٢): په باميانو ولايت کې هم د واورې ښويېدنې له امله دوه تنه مړه او اووه نور ژوبل شوي دي.
د دې ولايت له پېښو سره د مبارزې د ادارې رييس رضا رفعت د سلواغې په ١٢مه، پژواک خبري اژانس ته وويل، چې دا پېښه تېره شپه په يکاولنګ ولسوالۍ کې رامنځته شوې ده.
هغه زياته کړه، په دې ولسوالۍ کې د واورې د ښويېدو له امله ٢١ کلن او ٢٧ کلن ځوانان مړه شوي او اووه تنه نور ټپيان شوي دي.
دى وايي، مړه او ټپيان ټول د يوې کورنۍ غړي دي او د ټپيانو روغتيايي حالت د ډاډ وړ ښودل شوى دى.
رفعت زياتوي، چې په دې پېښه کې ٤٥ څاروي هم مړه شوي او يو کور هم زيانمن شوى دى.
د يادونې وړ ده، چې په بدخشان ولايت کې هم د واورې ښويېدنې له امله شپږ تنه مړه شوي دي.
