کابل (پژواک، ۱۳ غویی ۱۴۰۰) : د ملي دفاع وزارت وایي چې هلمند ولایت ته تازه دمي ځانګړي ځواکونه رسیدلي دي.
د ملي دفاع وزارت ویاند فواد امان د غویي په ۱۳مه، پژواک اژانس ته وویل چې د ځآنګړو ځواکونو یوه جوپه نن مازیګر لښکرګاه ښار ته رسیدلي او ډیر ژر به هلته چاڼیز عملیات پیل کړي.
دا ځواکونه وروسته له هغه هلمند ته رسیدلي چې له تیرې شپې راهیسې په لښکرګاه او شاوخوا سیمو کې سختې جګړې شوې دي.
سرچینی زیاته کړې چې لښکرګاه ښار ته نږدې سیمه کې د افغان هوایي او ځمکنیو ځواکونو د عملیاتو په پایله کې، د حاجي رحمت الله شبکې پورې اړوند مولوی کرامت د لښکرګاه په نږدې سیمه کې د طالبانو د جګړې مسوول او د واشیر ولسوالۍ لپاره د طالبانو د نظامي کمیسیون مسوول وو د بولان په سیمه کې ووژل شو.
د هلمند ولايتي شورا رئيس عطاء الله افغان وايي لښکرګاه ښار محاصره دی او د دوه شپو جګړو پر مهال اتلس امنيتي سرتيرو ته مرګ ژوبله اوښتي ده ، لس پوستي په ناوه ولسوالۍ او شاهراه باندي سقوط شوی دي.
افغان وايي که د وضعيت کابو کولو لپاره اقدام ونه شي د لښکرګاه ښار د سقوط ويره ډيره ده.
Views: 1039
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن