ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

ads
کابل ښار کې هغه اپارتمانونه چې مالکان یې بهر دي، تر خونديتوب لاندې راځي

کابل ښار کې هغه اپارتمانونه چې مالکان یې بهر دي، تر خونديتوب لاندې راځي

author avatar
28 Sep 2021 - 18:05
کابل ښار کې هغه اپارتمانونه چې مالکان یې بهر دي، تر خونديتوب لاندې راځي
author avatar
28 Sep 2021 - 18:05

کابل (پژواک، ٦ تله ١٤٠٠): کابل ښاروالي غصب شوې ځکمې او اپارتمانونه مشخصوي او هغه اپارتمانونه چې مالکان یې له هېواده بهر دي، په «امتیازي کرایه» ورکوي، پیسې یې له حاضرېدو وروسته مالکانو ته سپاري.

د کابل ښار درېیم مکروریان زون ریاست په استعلام کې چې د اړوند زون وکیلانو په نوم لېږل شوی او کاپي یې پژواک ترلاسه کړې، راغلي چې د تلې په درېیمه د کابل ښار نهمې ناحیې رییس په یوه ناسته کې د کابل ښاروال لارښوونې دوی ته ورسولې.

په استعلام کې چې په پای کې د درېیم مکروریانو زون رییس ډاکتر فواد فرملي له خوا لاسلیک او ټاپه شوی لاندې لارښوونې راغلې دي:

– «هغه اپارتمانونه چې مالکان یې اوس مهال افغانستان کې نشته، لېست یې په دوو ورځو کې د ناحیې ریاست ته وسپارئ، اپارتمانونه د اسلامي امارت تر خوندیتوب لاندې راځي او په امتیازي کرایه ورکول کېږي، د اپارتمان د مالک لپاره بانکي اکونټ خلاصېږي، هر وخت چې حاضر شو د اپارتمانونو خوندیتوب یې رفعه کېږي او د کرایې پیسې یې حساب ته انتقالېږي.»

  • «د هغه اپارتمانونو د معلوماتو لېست او توکي چې قفل دي راولېږئ.»
  • «هغه اپارتمانونه چې د طالبانو له خوا غصب شوي دې په لېست کې شامل شي.»

– «د غصب شوو دولتي ځمکو لېست را ولېږئ.»

سرچینې لیکلي چې یاد موارد له وکیلانو سره شریک شول او د حقونو د کتمان به صورت کې راتلونکي مسوولیتونه د اړوند بلاک د وکیل پر غاړه دي.

نصیب الله اخندزاده د کابل د نهمې ناحیې رییس د یاد استعلام په اړه پژواک ته وویل چې په دې اړه څو ورځې مخکې د کابل ښاروال د ناحیو له رییسانو سره غږېدلی او هغوی ته یې لارښونه کړې چې دغه موضوع له اړوندو وکیلانو سره شریکه کړي.

هغه زیاته کړه چې نهمې ناحیې دغه موضوع د مکرویانو د وکیلانو په ګډون د ناحیې ټولو وکیلانو ته رسولې څو د خپلو کړنو راپور له یادې ناحیې سره شریک کړي او ناحیه یې د ښاروالۍ مقام ته واستوي.

دغه موضوع د کابل له ښارولۍ سره هم شریکه شوه؛ خو تراوسه یې ځواب نه دی ویلی.

Hits: 50

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.