ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

ads
اومنې ولسوالۍ لپاره د اداري ودانۍ د جوړېدو چارې پيل شوې

اومنې ولسوالۍ لپاره د اداري ودانۍ د جوړېدو چارې پيل شوې

author avatar
10 Oct 2021 - 16:42
اومنې ولسوالۍ لپاره د اداري ودانۍ د جوړېدو چارې پيل شوې
author avatar
10 Oct 2021 - 16:42

ښرنه (پژواک، ١٨ تله ١٤٠٠): د ٧ ميليونه افغانيو په لګښت د پکتيکا ولايت  اومنۍ ولسوالۍ لپاره د اداري ودانۍ د جوړېدو چارې پيل شوې.

د اړوندې موضوع په اړه جوړ شوې غونډې ته د پکتيا مرستيال والي محب الله حماس وويل چې دغه ودانۍ د خلکو د غوښتنې په اساس جوړيږي.

هغه وويل چې د يادې ودانۍ په جوړولو ٧ ميليونه افغانۍ لګول کيږي چې چارې به یې په شپږو مياشتو کې بشپړې شي.

هغه زياته کړه: ((د دې ودانۍ په جوړېدو سره به په دغې ولسوالۍ کې ټولې ملکي او نظامي ادارې فعاله شي او د خلکو ورځنۍ ستونزې به هم حل شي.))

دغه راز د يادې ولسوالۍ قومي مشر عبدالرحمن وويل چې په تېرو ٢٠ کلونو کې دغې ولسوالۍ ته هیڅ کار نه دى شوى.

دى زياتوي: ((د پوهنې، روغتيا او نورو برخو کې موږ ته هیڅ کار نه دى شوى، دا لومړى ځل دى چې په دغې ولسوالۍ کې د يوې دولتي ادارې لپاره ودانۍ جوړيږي.))

همدارنګه د اومنې بل اوسېدونکي حسن خان وويل چې دغې ولسوالۍ ته ټولې غځېدلي لارې خامه دي او مخابراتي شبکې هم په کې فعاليت نه لري.

دى وايي: ((سړکونه يې دومره خراب دي چې د ژمي پرمهال موږ نه شو کولى له يو ځاى څخه بل ځاى ته سفر وکړو.))

د يادونې ده چې شاوخوا درې کاله وړاندې پر اومنې ولسوالۍ د طالبانو د بريد پرمهال د دغې ولسوالۍ اداري ودانۍ په ټوليزه توګه له منځه تللې وه چې اوس يې بېرته د جوړېدو چارې پيل شوې.

Hits: 168

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.