اټلانټا (پژواک، ۱۷ زمری ۱۴۰۱) : د اسلامي هېوادونو د همکاریو سازمان او یوناما د افغانستان له سرپرست حکومت څخه غوښتي دي چې د خلکو امنیت ټینګ کړي.
دوی دا غوښتنه په داسې حال کې کړې، چې په کابل ښار کې د وروستیو چاودنو له امله یو شمېر کسانو ته مرګ ژوبله اوښتې ده.
د داعش ـ خراسان څانګې د دغو چاودنو د مسوولیت ادعا کړې ده.
د اسلامي هېوادونو د همکارۍ سازمان د زمري په ۱۷مه، په یوه خبرپاڼه کې پر یادو چاودنو د اندیښنې څرګندولو ترڅنګ ویلی چې دغو چاودنو د افغانستان د پلازمینې امنیت خراب کړی دی.
These repeated and indiscriminate attacks, the #OIC General Secretariat indicated, reflect th continued volatility of the security situation in #Afghanistan, reiterating its call for firmer endeavors by the de facto authorities to pre-empt such violent attacks against civilians.
— OIC (@OIC_OCI) August 7, 2022
دغه سازمان د افغانستان له سرپرست حکومت غوښتي چې د ورته چاودنو او ملکي وګړو د مرګ ژوبلې د مخنیوي په برخه کې جدي اقدام وکړي.
بلخوا په افغانستان کې د ملګرو ملتونو سیاسي استازولۍ (یوناما) هم دغه چاودنې غندلي او د قربانیانو له کورنیو سره یې غم شریکي ښودلې ده.
Following the Islamic State-claimed blasts in Kabul in recent days that killed and injured more than 120 people, the UN family in Afghanistan urges greater security for minorities so that Ashura can be marked without further attacks.
— UNAMA News (@UNAMAnews) August 7, 2022
یوناما زیاته کړې ده: “حاکم چارواکي باید د ورته بریدونو مخنیوی وکړي او په اړه یې شفاف او بشپړه تحقیقات وکړي.”
دغه راز د افغانستان لپاره د ملګرو ملتونو د بشري حقونو برخې ځانګړي راپور ورکونکي او اروپايي ټولنې له سرپرست حکومت غوښتي چې د عاشورا د مراسمو نمانځلو د امنیت په برخه کې هڅې وکړي.
دا په داسې حال کې ده چې سبا ددوشنبې په ورځ په ټول هيواد کې د محرم لسمه یا د عاشورا ورځ نماځل کیږي.
Visits: 76
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن