کابل (پژواک، ۲۰ لړم ۱۴۰۱): په کابل کې د چین سفیر وايي، د راتلونکې لیندۍ میاشتې له لسمې وروسته هېواد یې د افغانستان پر ۹۸ سلنه صادراتي توکو ګمرګي تعرفه صفر ته ټيټوي.
په کابل کې د چین سفیر وانګ یو پخپله ټویټرپاڼه کې د دغو څرګندونو ترڅنګ لیکلي چې دغه کار به د روان زېږدیز کال د ډسمبر له لومړۍ (د لیندۍ لسمه) څخه اجرا شي.
هغه لیکلي چې چین ته د افغانستان صادرات به نږدې په بشپړ ډول له ګمرکي تعرفې معاف شي.
د نوموړي په وینا، دغه پرېکړه د دوه اړخیزې ګټې د طرحې پلې کولو پر اساس ګټوره ده.
دا په داسې حال کې ده چې په دې وروستیو کې چین ته د افغانستان د جلغوزیو صادرات ډېر شوي او ټاکل شوې چې روان کال ۱۰ زره ټنه جلغوزي چین او نورو هېوادونو ته صادر شي.
Visits: 51
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن