<p style="text-align: justify;">کابل (پژواک، ۲۷ چنګاښ ۱۴۰۳): کابل ښار کې یو موچي وايي، که څه هم کاروبار یې ښه نه دی او اقتصادي ستونزې لري خو بیا هم هڅه کوي پر خپلو اولادونه زدهکړې وکړي.</p>
<p style="text-align: justify;">۴۱ کلن حبیب چې له څه باندې ۷ کلونو راهیسې د کابل ښار د شهرنو سیمې په حاجي یعقوب څلورلاره کې موچيګري کوي، کاروبا یې پیکه او اقتصادی وضعیت یې خراب دی.</p>
<p style="text-align: justify;">هغه چې د یوې شپږکسیزې کورنۍ سرپرستي کوي وايي، د ورځې ۱۵۰ تر ۲۰۰ افغانیو کار کوي چې په دې پیسو نهشي کولای ان د خپلې کورنۍ لومړنۍ اړتیاوې پوره کړي.</p>
<p style="text-align: justify;">هغه وایي، له ۱۳ کلونو راهیسې د خپل واده لپاره درېسوه زره افغانۍ پوروړی دی خو تر اوسه یې پر ادا کولو نه دی توانېدلی.</p>
<p style="text-align: justify;">حبیب چې له خپلې کورنۍ سره په یوه ګروي کور کې اوسېږي، څلور اولادونه لري چې تر ټولو مشره یې ۱۲ کلنه لور ده.</p>
<p style="text-align: justify;">خو هغه ټینګار وکړ چې دغه ناوړه اقتصادي وضعیت زغمي او هڅه کوي څو اولادونه یې درس ووايي او په راتلونکي کې ښه ژوند ولري.</p>
<p style="text-align: justify;">په همدې حال کې، هغه له حکومته وغوښتل چې نجونو او هلکانو ته د زدهکړو زمینه برابره کړي.</p>
<p style="text-align: justify;">دغه راز، حبیب له اوسني حکومت او سوداګرو د کاري فرصتونو رامنځه کولو غوښتنه وکړه څو ټول ښه عاید ولري او ژوند په ښه توګه مخې ته یوسي.</p>
