<p style="text-align: justify;">غزنيښار (پژواک، ۲۱ زمری ۱۴۰۴): د غزني ورزشي مسوولین وایي چې په دغه ولایت کې د لسو لوبډلو ترمنځ د فوټسال «B» لیګ سیالۍ پیل شوې.</p>
<p style="text-align: justify;">د غزني د بدني روزنې او ورزش امر بلال مجاهد پژواک خبري اژانس ته وویل چې په دې سیالیو کې ګډونکوونکې لوبډلې په بېلابېلو ګروپونو کې لوبې کوي.</p>
<p style="text-align: justify;">نوموړي زیاته کړه چې دا سیالۍ به شاوخوا یوه نیمه میاشت دوام وکړي.</p>
<p style="text-align: justify;">هغه زیاته کړه، په دې سیالیو کې ۱۰ لوبډلې د قهرمانۍ لپاره سیالي کوي او د دغو سیالیو په لومړۍ لوبه کې د سنایي غزنوي فوټسال لوبډلې له افغان نوین لوبډلې سره لوبه وکړه چې په پایله کې سنایي غزنوي لوبډلې ۷-۲ بریا خپله کړه.</p>
<p style="text-align: justify;">د نوموړي په وینا، دغه سیالۍ د کال د غوره فوټسال ټیم پېژندنې په موخه پیل شوې دي.</p>
<p style="text-align: justify;">ورته مهال، د یادو سیالیو ګډونوال خوښ دي چې په دغه ولایت کې د «بي» لیګ فوټسال سیالۍ پیل شوې.</p>
<p style="text-align: justify;">د سیالیو یوه ګډونوال ارین پژواک ته وویل، ورته سیالۍ کولای شي د ورزشکارانو ترمنځ تجربې پياوړې کړي او غوښتنه کوي چې ورزشکارانو ته دې په بېلابېلو برخو کې اسانتیاوې رامنځته شي.</p>
