د صنعت او سوداګرۍ وزارت وایي، ازبېکستاني سوداګرو د دغه وزارت له مرستیال سره په لیدنه کې، په افغانستان کې د ودانیزو چارو او کان کېندنې برخو کې پانګونې ته لېوالتیا ښودلې ده.
د جوزجان په مرکز شبرغان ښار کې د زېبالنساء په نوم یوه نجلۍ توانېدلې چې په کلک هوډ سره د ځان او نورو نجونو لپاره د پرمختګ نوې لار پرانیزي، هغې د خیاطي د یوې کارګاه په جورولو سره لسو نورو ښځو ته هم د خیاطۍ زدهکړې زمینه برابره کړې ده.
د صنعت او سوداګرۍ وزارت وایي چې افغانستان روان کال (۱۴۰۳) کې د هېواد هوايي دهلیز له لارې د ۱۶۷ میلیون ډالرو په ارزښت واردات او د ۱۲۵ میلیون ډالرو په ارزښت صادرات درلودل.
نن کابل ښار کې د تېرې یوې اونۍ په نسبت د امریکایي ډالر پر وړاندې د افغانۍ ارزښت لوړېدو سره د غوړیو، اوړو او نفتي توکو بیې ټیټې شوې خو د سرو زرو، ډیزلو او پټرولو بیې لوړې شوې دي.
د مخابراتو او معلوماتي ټکنالوجۍ وزارت وایي، د مخابراتي شبکو د سیمکارټونو د ثبت بهیر له پیله راهیسې تر اوسه ۱۸ میلیونه سیمکارټونه ثبت شوي او دغه بهیر همداراز دوام لري.
د افغانستان بهرنیو چارو سرپرست د عمان د صنعت او سوداګرۍ له وزیر سره په لیدنه کې د دواړوهېوادونو ترمنځ د صادراتو او وارداتو پر پراختیا خبرې کړي.
کابل کې د نرګس بدر په نوم یوه نجلۍ چې د انلاین کاروبار په پیلولو سره یې د زدهکړو محدودیتونه د ځان لپاره پر یوه فرصت بدل کړي؛ نه یوازې له اقتصادي پلوه ځانبسیاینې ته رسېدلې، بلکې یو شمېر نورو کسانو ته یې هم د کار زمینه برابره کړې ده.
د مخابراتو او معلوماتي ټکنالوجۍ وزارت مسوولین وایي، هېڅوک نه شي کولای چې کرېډېت کارتونه تر خپل معمول ارزښت په لوړه بیه وپلوري او له سرغړونکو سره به قانوني چلند وشي.
د اسلامي امارت مرستیال ویاند وایي، د ریاستالوزراء اقتصادي معاونیت په روان لمریز کال کې د کوچني او ستر مقیاس د کانکیندنې او استخراج ۳۶ پروژې منظور کړې دي.
سوېل ختیځو ولایتونو کې د جلغوزیو یو شمېر سوداګر وایي چې د چین انحصاري بازار د دوی کاروبار ته زیان اړولی او د جلغوزیو صادرات یې له ستونزو سره مخ کړي دي.
د سټنډرډ ملي اداره وايي، په تېرو ۱۱ میاشتو کې تخنیکي کمېټو ۱۳۴سټنډرډونه او د ازمایښت میتودونه وروستي کړي چې ۵۴ یې د سټنډرډ عالي شورا له خوا تصویب شوي.
سیمهییز مسوولین وايي، تورخم کې د افغان او پاکستاني لوري قومي مشرانو او سوداګرو غونډه وکړه، خو د یادې لارې د خلاصېدو لپاره سمدستي پرېکړه ونه شوه. تورخم لاره شاوخوا دوه اوونۍ وړاندې پاکستاني لوري…
د ټولګټو وزارت وایي، د دغه وزارت تخنیکي پلاوي له ازبکستاني چارواکو سره په ليدنه کې د حيرتان اوسپنيزې کرښې د ګټې اخيستنې، حفظ او مراقبت تړون پر غځولو هوکړه کړې ده.
هلمند کې د پنبې د پروسس او تولید فابریکو یو شمېر مسوولین د دې ترڅنګ چې خپلو تولیداتو ته د نړۍوال بازار غوښتنه کوي وايي چې د برېښنا لوړې بیې او ډېرې مالیې یې تولیدي پروسه ټکنۍ کړې دي.
د ټولګټو وزارت وایي چې تېره اونۍ د افغانستان د څلورو بندرونو د اوسپنې پټلیو له لارې ۸۵ زره او ۷۱۸ مټریک ټنه انتقالات شوي دي.
نن کابل ښار کې د تېرې شاوخوا یوې اونۍ په نسبت د امریکایي ډالر پر وړاندې د افغانۍ ارزښت لوړېدو سره د غوړیو، اوړو او ګاز بیې هم لوړې شوې خو د سرو زرو، ډیزلو او پټرولو بیې ټیټې شوې دي.
د صنعت او سوداګرۍ وزارت وايي چې د روان کال په تېرو ۱۱ میاشتو کې د څه باندې ۱۴ میلیون امریکايي ډالرو په ارزښت جلغوزي بهر ته صادر شوي دي.
د ټولګټو چارو وزارت سرپرست کابل کې د ازبکستان له سفیر سره لیدنه کې د دواړو هېوادونو ترمنځ د سوداګریزو او اقتصادي اړیکو او سوداگریزې راکړې ورکړې پر دوام ټینګار کړی دی.
د ملګرو ملتونو د بشري مرستو همغږي کوونکي دفتر (اوچا) ویلي چې په افغانستان کې د بېړنیو بشري مرستو رسولو لپاره ۴۸.۵ میلیون امریکايي ډالر ځانګړي شوي دي.
د افغانستان بانک وايي، له اړوندو ادارو سره یوې هوکړې ته ورسېد چې له مخې به یې له دې وروسته له افغان حاجیانو د هغوی د ټولو مالي لګښتونه لپاره د نورو بهرنیو اسعارو پر ځای یوازې افغانۍ اخیستل کېږي.
د سمنګان یو شمېر اوسېدونکي وروسته له هغه چې د دغه ولایت په مرکز ایبک ښار کې د چرګ غوښې پلورنځي وتړل شول، د دې غوښې بیې له لوړېدو شکایت کوي او وايي چې د پېرلو توان یې نه لري.
د اسلامي امارت د مشرتابه د حکم له مخې، د جوماتونو لپاره د برېښنا لګښتونه معاف شول.
له عربي متحده اماراتو د بورې شل او له ایرانه د سمنټو شپږ واګونه د هرات ـ خواف رېلپټلې له لارې روزنک تمځای ته رارسېدلي دي.
د بلخ یو شمېر صنعتکاران مزارشریف ښار کې د امیر عليشېر نوایي صنعتي پارک ته د غځیدلي سړک له خرابوالي شکایت کوي او له حکومته یې د جوړولو غوښتنه کوي.
