<p style="text-align: justify;">کابل (پژواک، د وري لومړۍ نېټه ۱۴۰۱): د ټولنیزو شبکو یو شمېر کاروونکو د کرونا واکسین خطرناک بللی او ویلي یې دي چې د انسان په بدن کې بېلابېلې ستونزې رامنځته کوي؛ خو ډاکټران وايي چې د کرونا واکسین تطبیق زیان نه لري، بلکې د ناروغۍ شدت کمېدو کې مرسته کوي.</p>
<p style="text-align: justify;"><img class="aligncenter wp-image-447140 " src="https://pajhwok.com/wp-content/uploads/2022/03/واکسین-کرونا.jpg" alt="" width="705" height="210" /></p>
<p style="text-align: justify;">دا په داسې حال کې ده چې په افغانستان کې د کرونا واکسین د تطبیق له پیل راهیسې، تر اوسه تر ۸ میلیون ډېر کسان واکسین شوي دي.</p>
<p style="text-align: justify;">د کرونا واکسین د زیان په اړه خپاره شوي مطالب:</p>
<p style="text-align: justify;">د مجازی شبکو ځینو کاروونکو داسې لیکنې خپرې کړې چې ګواکې د کرونا واکسین تطبیق خطرناک دی او د انسان په بدن کې بېلابېلې ستونزې رامنځته کوي.<img class="alignleft wp-image-447117 size-full" src="https://pajhwok.com/wp-content/uploads/2022/03/واکسین-کرونا-۱.jpg" alt="" width="293" height="229" /></p>
<p style="text-align: justify;">د «<strong><a href="https://twitter.com/FarahMogahid/status/1449765131915866129">Bano Khor</a></strong>» په نوم ټویټر کاروونکي لیکلي چې د کرونا واکسین ډېر خطرناک دی او د انسان په بدن کې د بېلابېلو ستونز رامنځته کېدو لامل کېږي.</p>
<p style="text-align: justify;">هغه زیاته کړې: «دا ویروس او واکسین یې د بشر د نسل او نطفې د کنټرول یو له پلانونو او مېتودونو دی چې په نړۍ کې د شیطانانو د یوې لوړپوړې ډلې له خوا پلان شوی دی.»</p>
<p style="text-align: justify;">دغه راز د اسلامي امارت ځانګړي ځواکونه (<strong><a href="https://twitter.com/Barish80353055/status/1339934604459986945">Special Forces</a></strong>) په نوم ګروپ کې لیکل شوي، ټولو هېوادوالو ته یو مهم خبر! باید پوه شئ چې کرونا واکسین د ازمویلو لپاره افغانستان ته راوړل کېږي.</p>
<p style="text-align: justify;">په یاد خپاره شوي مطلب کې راغلي چې د کرونا واکیسن ډېر مضر او خطرناک دي او تر اوسه هيڅ هېواد نه دی ازمویلی.</p>
<p style="text-align: justify;">د کابل ښار خیرخانې سیمې اوسېدونکي منیراحمد پژواک ته وویل، د کرونا واکسین ډېر مضر دی.</p>
<p style="text-align: justify;">هغه زیاته کړه، یو ګاونډی یې چې له ۶۰ تر ۷۰ کلونو عمر یې درلود، د کرونا واکسین له لګولو وروسته ومړ.<img class="alignleft wp-image-447118 size-full" src="https://pajhwok.com/wp-content/uploads/2022/03/واکسین-کرونا-۲.jpg" alt="" width="302" height="265" /></p>
<p style="text-align: justify;">هغه وایي، له هغه وروسته پوه شو چې د کرونا واکسین مضر دی، له همدې امله یې د کورنۍ کوم غړی نه دی واکسین کړی.</p>
<p style="text-align: justify;"><strong>حقیقت موندنه:</strong></p>
<p style="text-align: justify;">یو شمېر د طب پوهان وایي چې د کرونا واکسین تطبیق د کرونا مخنیوي لپاره اغېزناک دي.</p>
<p style="text-align: justify;">د افغان- جاپان روغتون رییس زلمي رښتین پژواک ته وویل چې د کرونا واکسین لګول ګټور دي.</p>
<p style="text-align: justify;">هغه د دغه واکسین د زیان په نسبت د هغه اغېزناکوالی ډېر وباله او له خلکو یې وغوښتل پر کرونا د اخته کېدو مخنیوي لپاره واکسین ولګوي.</p>
<p style="text-align: justify;">نوموړی وایي، که د کرونا واکسین اغېزناک نه وای، هیڅکله نړیوال روغتیایي سازمان نه تاییداوه، نو په دې اساس کولای شو ووایو چې د کرونا واکسین تطبیق ګټور دی.</p>
<p style="text-align: justify;">اسوشېټ پروفیسور نبیل پاکطین هم پژواک خبري اژانس ته وویل چې د کرونا واکسین تطبیق کېدای شي ډېر اغېزناک وي.</p>
<p style="text-align: justify;">هغه د کرونا واکسین تطبیق تر درملنې مهم وباله او ویې ویل، دغه واکسین لګول د لنډمهال لپاره د ناروغۍ شدت کموي.</p>
