کابل (پژواک، ۴ کب ۱۴۰۱): د افغانستان د والیبال ملي لوبډلې د مالدیف په کوربهتوب د څلورو اسیايي هېوادونو ترمنځ د والیبال په سیالیو کې سینګاپور ته ماتې ورکړه.
دغه سیالۍ د مالدیف هېواد په مالي ښار کې پیل شوې او یوه اونۍ به دوام لري.
د افغانستان والیبال فدراسیون د کب په ۴مه یوه خبرپاڼه کې لیکلي، په یادو سیالیو کې افغانستان په خپله لومړۍ لوبه کې درې پر یو سینګاپور ته ماتې ورکړه.
په دې سیالیو کې د افغانستان ترڅنګ د مالدیف، سینګاپور او مالیزیا هېوادونو لوبډلې ګډون لري.
