کابل (پژواک، د غبرګولۍ لومړۍ نېټه ۱۴۰۲): د افغانستان کرکټ بورډ وایي، افغان کرکټ ملي لوبډله د سریلانکا پر وړاندې د درې یو ورځنیو سیالیو ترسره کولو په موخه نن دغه هېواد ته روانه شوه.
د افغانستان کرکټ بورډ پر فېسبوکپاڼه لیکلي، د کرکټ ملي لوبډله د سریلانکا پر وړاندې د راتلونکې درې یو ورځنیو نړۍوالو سیالیو په موخه نن دغه هېواد ته وخوځېده.
سرچینه وایي، د یادو سیالیو له پیل مخکې به ملي لوبډله هلته د یوې اونۍ لپاره تمرینات هم ترسره کړي.
خو کرکټ بورډ نه دي ويلي چې په دې لوبډله کې د افغانستان له لوري کوم لوبغاړي شامل دي.
ټاکل شوې د افغانستان او سريلانکا ترمنځ دغه سيالۍ د جون مياشتې په دويمه، څلورمه او اوومه نېټو ترسره شي.
د يادونې ده، د افغان کرکټ ملي لوبډلې يو شمېر لوبغاړي لکه راشد خان، رحمانالله ګربز، نوراحمد لکڼوال، نوينالحق او فضلالحق فاروقي دا مهال د هندوستان په اىپياېل سياليو کې بوخت دي.
Visits: 246
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن