د چین اسیایي سیالۍ؛ د افغانستان خالد هوتک د ووشو سیالۍ کې قزاقستان ته ماتې ورکړه

[restrict paid="true"]

<p style="text-align: justify;">اټلانټا (پژواک، ۲ تله ۱۴۰۲): د چین په اسيايي سیالیو کې د افغانستان د ووشو لوبغاړي محمدخالد هوتک خپل قزاقستاني سیال ته ماتې ورکړې ده.</p>

<p style="text-align: justify;">د افغانستان تېکواندو فدراسیون ویاند ذبیح الله شهزاد د تلې په ۲مه، پخپل فیسبوک پاڼه کې لیکلي، هوتک چې په ۷۰ کیلو ګرام وزن کې یې نن د قزاقستاني سیال پر وړاندې سیالي ترسره کړه، په لومړنیو دوو پړاونو کې بریالی شو او په دې سره منځلوبو یا کواټرفاینل ته ووت.</p>

<p style="text-align: justify;">په کواټرفاینل کې به هوتک له خپل هندي سیال سره لوبه کوي.</p>

<p style="text-align: justify;">د هغه په وینا، که هوتک په یاد پړاو کې بریالی شو؛ نو په نیمه پایلوبه کې به د چینايي سیال پر وړاندې سیالي کوي.</p>

<p style="text-align: justify;">محمدخالد هوتک د ووشو سیالیو په برخه کې یوازینی لوبغاړی دی چې د ۲۰۱۳ کال په اسيايي سیالیو کې یې د برونزو مډال ګټلی و.</p>

[/restrict]