<p style="text-align: justify;">کابل (پژواک، ۱۵ وږی ۱۴۰۴): د روسیې ولسمشر ویلي، که اوکراین ته په هر نوم بهرني ځواکونه ولېږل شي، په داسې حال کې چې جګړه روانه ده، د مسکو لپاره به «مشروع هدف» وي.</p>
<p style="text-align: justify;">اسوشیټېډ پرېس په یوه <strong><a href="https://apnews.com/article/russia-ukraine-war-putin-foreign-troops-peacekeepers-b60dd3981681ce08b30b2ccd9a43ad0e">راپور</a> </strong>کې لیکلي چې د روسیې ولسمشر ولادیمیر پوتین پرون (جمعه) ویلي، هر هغه بهرني سرتېري چې اوکراین ته استول کېږي، په داسې حال کې چې د دوی جګړه لا هم روانه ده، د مسکو لپاره به «مشروع هدف» وګڼل شي.</p>
<p style="text-align: justify;">سرچینې لیکلي، پوتین دا څرګندونې څو ساعته وروسته له هغه وکړې چې اروپایي مشرانو اوکراین ته د سولهساتو ځواکونو د احتمالي لېږلو ژمنه تکرار کړه، هغه موضوع چې مسکو یې تل د منلو وړ نه بولي.</p>
<p style="text-align: justify;">په راپور کې راغلي، پوتین هغه نظر هم رد کړي چې ګواکې د سولې له وروستۍ هوکړې وروسته دې په اوکراین کې سولهساتي ځواکونه ځای پر ځای شي.</p>
<p style="text-align: justify;">هغه زیاته کړې: «هیڅوک باید شک ونه لري چې مسکو به د خپل ګاونډي پر وړاندې د خپل درېنیم کلن بشپړ پراخ یرغل بندولو لپاره له تړون سره سم عمل وکړي.»</p>
<p style="text-align: justify;">د سرچینې د معلوماتو له مخې، پوتین ویلي، د روسیې او اوکراین دواړو لپاره د امنیت تضمینونه اړین دي.</p>
