د امریکا او ایران ترمنځ د اټومي پروګرام په اړه خبرې مثبتې بلل شوې دي
امریکا او ایران د دواړو هېوادونو ترمنځ د اټومي پروګرام پر سر خبرې «مثبتې او رغنده» بللې او سپینه ماڼۍ وایي، ټاکل شوې چې دواړه خواوې به راتلونکې اونۍ بیا سره وویني.
امریکا او ایران د دواړو هېوادونو ترمنځ د اټومي پروګرام پر سر خبرې «مثبتې او رغنده» بللې او سپینه ماڼۍ وایي، ټاکل شوې چې دواړه خواوې به راتلونکې اونۍ بیا سره وویني.
د راپورونو له مخې، د اوکراین اروپايي متحدانو له دغه هېواد سره د پوځي ملاتړ په اډانه کې ۲۴ میلیارد ډالره نوې ژمنه اعلان کړه خو د دې مرستې د شاوخوا نیمايي برخې ژمنه جرمني کړې ده.
د ملګرو ملتونو سرمنشي انټونیو ګوټرېش وایي، په غزه کې انساني ناورین د ځور او ویجاړۍ بې مخینې پړاو ته رسېدلی او شرایط داسې دي چې «غزه د وژنو میدان ګرځېدلې او عام خلک د مرګ په یوه نه درېدونکې ارابه کې بند پاتې دي.»
د امریکا ولسمشر ویلي، هېواد یې اوس په مستقیمه توګه له ایران سره د خبرو اترو په حال کې دی خو د ایران د بهرنیو چارو وزارت اعلان کړی چې دواړه هېوادونه به راتلونکې اونۍ د لوړپوړو چارواکو په کچه د غیرمستقیم خبرو اترو لپاره عمان کې وګوري.
چین د جمعې په ورځ د ټرمپ د تعرفو په ځواب کې پر امریکایي محصولاتو ۳۴ سلنه تعرفه ولګوله، خو اوس د امریکا ولسمشر ویلي، که دا تعرفه لرې نه کړې نو امریکا به پر چينايي توکو پنځوس سلنه نوره تعرفه ولګوي.
سياېناېن راپور ورکړی چې د امریکا متحده ایالتونو د ولسمشر ډونالډ ټرمپ او د هغه د میلیاردر سلاکار ایلان ماسک پر ضد په ټوله امریکا کې پراخ لاریونونه شوي دي.
د ایران ولسمشر خپل یو مرستیال د نوي کال پر مهال انترکتیکا ته د ډېر لګښت لرونکي سفر له امله له دندې ګوښه کړی او ویلي یې دي چې د ایران روانو اقتصادي ستونزو ته په پام دغه سفر ناعادلانه و.
د راپورونو له مخې، اسرائیلو د غزې شمال کې پر یوه ښوونځي هوايي برید کړی چې په له امله د ماشومانو په ګډون ۲۷ کسانو ژوند له لاسه ورکړی دی.
د ملګرو ملتونو سازمان سرمنشي انتونیو ګوترېش د ماینونو د خطرونو په اړه د پوهاوي نړۍوالې ورځې په مناسبت ویلي چې په نړۍ کې ۱۰۰ میلیونه کسان له جګړو د پاتې شوو ماینونو او چاودېدونکو توکو له خطر سره مخ دي.
د فرانسې ولسمشر امانویل مکرون له اروپايي شرکتونو غوښتي چې په متحده ایالاتو کې د خپلو پانګونو پلانونه وځنډوي.
د راپورونو له مخې، میانمار کې د زلزلې د قربانیانو شمېر څه باندې ۳۰۰۰ کسانو ته رسېدلې او زرګونه کسان په داسې حال کې ټپيان او لادرکه دي چې د هوا د سختو شرایطو او بارانونو له امله ښايي د ژغورنې هڅې لا پېچلې او د ناروغیو د خپرېدو خطر هم ډېر شي.
د امریکا ولسمشر ډونالډ ټرمپ د بریتانیا او اروپايي ټولنې په ګډون د نړۍ له بېلابېلو هېوادونو څخه امریکا ته پر صادرېدونکو توکو له لس تر ۵۰ سلنه تعرفې ولګولې.
د روسیې د بهرنیو چارو وزارت مرستیال اعلان کړی چې په اوکراین کې د جګړې د پای ته رسولو لپاره د امریکا متحده ایالاتو د سولې پلان په اوسنۍ بڼه د منلو وړ نه دی.
د راپورونو پر بنسټ د ډونالډ ټرمپ ادارې د امریکا د روغتیايي بنسټونو د لس زره کارکوونکو د ګوښه کولو بهیر پیل کړی دی.
د هند د ګجرات ایالت، دیسا ښار کې د اورلوبې د محصولاتو په یوه کارخونه کې د چاودنې او ورپسې اورلګېدنې له امله، د اوو ماشومانو په ګډون ۲۱ کسان مړه شوي او شپږ نور ټپيان دي.
د ماشومانو لپاره د ملګرو ملتونو د ملاتړ صندوق وایي، په تېرو دوو اونیو کې پر غزه د اسرائیلو د بریدونو له امله لږ تر لږه ۳۲۲ ماشومانو ژوند له لاسه ورکړی او ۶۰۹ نور ټپیان شوي دي.
د راپورونو له مخې، چین، جاپان او جنوبي کوریا هوکړه کړې چې د امریکا سوداګریزو تعرفو ته به په ګډه ځواب وايي.
د راپورونو له مخې، اسرائیلي ځواکونو د کوچني اختر په لومړۍ ورځ پر غزه برید کړی چې له امله یې د ښځو او ماشومانو په ګډون ۶۴ کسانو ژوند له لاسه ورکړی.
د راپورونو له مخې، میانمار او ټایلېنډ کې د زلزلو له امله څه باندې ۱۷۰۰ کسانو ژوند له لاسه ورکړی او ۳۴۰۰ نور ټپیان شوي دي.
د راپورونو له مخې، په میانمار او ټایلینډ کې د دوو پرلهپسې زلزلو له امله تر زرو ډېرو کسانو ژوند له لاسه ورکړی او شاوخوا ۲۳۰۰ نور ټپیان شوي دي.
میانمار کې د رېښتر په کچه د یوې ۷،۷ درجې زورورې زلزلې له امله لږ تر لږه ۱۴۴ کسانو ژوند له لاسه ورکړی او ۷۳۲ نور ټپیان شوي دي.
د راپورونو پر بنسټ، د مصر ساحلي ښار غردقې ته څېرمه د سره سمندرګي سواحلو کې د یوه اوبتل ډوبېدو له امله لږ تر لږه شپږو روسي ګرځندویانو ژوند له لاسه ورکړی او ۳۹ نور کسان ژغورل شوي دي.
د پاکستان د بلوچستان ایالت په کویټه ښار کې د چاودنې له امله دوه کسان وژل شوي او د څلورو پولیسو په ګډون ۱۷ کسان ټپیان شوي دي.
د راپورونو له مخې، غزه کې د اسرائیلو په تازه بریدونو کې د حماس د ویاند عبداللطیف القنوع په ګډون اتو کسانو ژوند له لاسه ورکړی دی.