ملګري ملتونه وایي، خبریالان باید وکولای شي په ټوله نړۍ کې «له وېرې او تبعیض» پرته راپورونه وړاندې کړي او ا.ا ویلي، له ټولو هغو رسنیو ملاتړ کوي چې د شریعت په چوکاټ کې فعالیت کوي.
د بېپولې خبریالانو سازمان خپل تازه راپور کې ویلي، روان کال د نړۍ په ګوټ ګوټ کې د بیان ازادي تر ټولو ډېره ځپل شوې او د ارزول شوو ۱۸۰ هېوادونو له ډلې په ۱۶۰ هېوادونو کې رسنۍ د مالي سرچینو په ترلاسه کولو کې له جدي ستونزو سره مخ دي.
خوست کې د اسماعیل ځدراڼ په نوم یو حکاک او میناتور چې درېنیمې لسیزې یې په دغه هنر کې تېر او دوه زره اثار یې خلق کړي وايي چې نور ناهیلی او له دغه کاره ستړی دی؛ ځکه نه حکومت ورته پاملرنه کوي او نه یې په ټولنه کې د هنر قدر پاتې دی.
د اطلاعاتو او فرهنګ وزارت مسوولینو د کتاب نړۍوالې ورځې نمانځغونډه کې د مطالعې فرهنګ پر ترویج ټينګار وکړ ویې ویل چې زرګونه کتابونه د پردیو د فرهنګ او د هغوی د استعماري ګټو عامولو لپاره راوارد شوي دي.
د رسنيو د شکايتونو او سرغړونو د څېړنې کمېسیون پرېکړه کړې چې د راه فردا ټلوېزیون فعالیتونه دې د دغه ټلوېزیون د کارکوونکو د معاشونو د نه ورکړې په تړاو د محکمې تر پرېکړې وځنډول شي.
د ارشاد، حج او اوقافو وزارت وایي، نن له افغانستانه په لومړۍ الوتنه کې ۲۳۰ کسان سعودي عربستان ته د حج فریضې ادا کولو په موخه ولېږل شول.
هرات کې د رسنیو یو شمېر کارکوونکو او خبریالانو چې په وروستیو څو کلونو کې یې خپلې دندې له لاسه ورکړې او یا یې معاشونه کم شوي، اوس یې یوټیوب کې چینل جوړولو ته مخه کړې او له همدې لارې د خپل ژوند اړتیاوې پوره کوي.
د ننګرهار ولایت د اطلاعاتو او فرهنګ ریاست وایي، تېر کال د دغه ولایت له بېلابېلو سیمو شاوخوا ۱۵۰۰ بهرنیو سیلانیانو لیدنه کړې او له دې ډلې ۱۲ تنو اسلام قبول کړی دی.
د اروزګان یو شمېر اوسېدونکي اندېښنه لري چې په مرکز ترینکوټ او ځينو ولسوالیو کې تاریخي ابدات او سیمې د غصب او له منځه تلو له ګواښ سره مخ دي خو مسوولین وايي، د ساتنې سربېره یې بیارغونه هم کوي.
د پروان ولایت د اطلاعاتو او فرهنګ ریاست له لوري د دغه ولایت د ګلغونډۍ په تفریحي سیمه کې د کتابونو یو ورځنی نندارتون جوړ شو.
سرپل کې د دوو خصوصي راډیوګانو مسوولین وایي چې د تېرې شپې سخت توپان یې د راډیوګانو تجهیزاتو ته زیان اړولی او خپرونې یې درېدلې دي.
د چارو پوهان د هېواد په یو شمېر ولایتونو، په ځانګړې توګه بامیان کې د ګرځندوی فصل په رارسېدو سره وايي چې د ګرځندوی صنعت وده کولای شي د کاري فرصتونو رامنځته کېدو، اقتصادي پراختیا او د داخلي تولیداتو د ښهوالي لامل شي.
د لوګر ولایت پوهنې ریاست مسؤولین وایي چې د دغه ولایت په مرکز پلعلم او ولسوالیو کې د پوهنې وزارت په چوکاټ کې د نجونو او هلکانو څه باندې۳۰۰ نوې دیني مدرسې پرانیستل شوې دي.
د ننګرهار ولایت د اطلاعاتو او فرهنگ رياست له لوري د نارنج ګل کلنۍ دوديزه مشاعره د لر او بر شاعرانو او د شعر د زرګونو مینوالو په ګډون ترسره شوه.
د اسلامي امارت ویاند ذبيحالله مجاهد وايي، کندهار کې د کوچني اختر لمونځ د ا.ا د مشر په امامت سره ادا شو.
د بلخ په مرکز مزارشریف ښار کې د اطلاعات او فرهنګ ریاست له لوري د قرانکریم دوه ورځنی نندارتون پرانیستل شو.
د پکتيا د اطلاعاتو او فرهنگ رياست لخوا نن د لسګونه حافظانو تر منځ د حسن قرائت سيالي ترسره شوه.
د غزني د اطلاعاتو او فرهنګ ریاست مسوولین وایي چې په تېر یوه کال کې دغه ولایت ته شاوخوا ۳۰ زره کورني او بهرني سیلانیان ورغلي او له لرغونو سیمو یې لیدنه کړې ده.
د غزني د اطلاعاتو او فرهنګ ریاست له لوري د کب ۲۷مې، په افغانستان کې د خبریال د ملي ورځې په مناسب له خبریالانو سره غونډه وشوه.
د لوګر ولایت مرکز پلعلم ښاروالۍ له لوري د ښاري فرهنګ د ودې په موخه د دغه ولایت د یو شمېر ادارو د مسوولینو، دیني عالمانو او ځوانانو په ګډون کنفرانس ترسره شو.
د افغانستان ښځينه خبریالانو بنسټ مشره وایي، د ښځینه خبریالانو «ستونزې» یې د حل په موخه له اسلامي امارت او نړۍوالو بنستونو سره شریکې کړې دي.
د اطلاعاتو او فرهنګ وزارت د خبریال ملي ورځې په مناسبت ویلي چې په هېواد کې رسنیز وضعیت د ښه کېدو په حال کې دی او اسلامي امارت له رسنیو ملاتړ کوي، خو خبریالان باید ژورنالیستیکي اصولو ته درناوی وکړي او د افغانستان اصلي فرهنګ په پام کې ونیسي.
د راپورونو له مخې، د امریکا ولسمشر ډونالډ ټرمپ د یوه فرمان له مخې د امریکا غږ او د دغه هېواد یو شمېر دولتي رسنیو کارکوونکي په اجباري ډول رخصت شوي او د ازادۍ راډیو بودجه هم قطع شوې ده.
د ننګرهار د اطلاعاتو او فرهنګ ریاست مسوولین وايي، یوه کاناډايي سيلاني چې دغه ولايت ته په سیاحت تللی و، د اسلام مبارک دین قبول کړی دی.
