د ژغورنې نړیوالې کمېټې په افغانستان کې خپل ځیني فعالیتونه ځنډولي دي
د ژغورنې نړیواله کمېټه وایي چې د امریکا د مالي مرستو د کمېدو له امله دوی اړ شوي څو په افغانستان کې خپل ځیني خدمات وځنډوي، خو د افغانستان له خلکو ملاتړ ته ژمن دي.
ټولنه
راپورونه
هلمند کې څاه ته لوېدلی ماشوم وژغورل شو
هلمند کې سیمهییزې سرچینې وايي چې د دغه ولایت په باباجي ولسوالۍ کې یوې۵۰ متره ژورې څاه ته لوېدلی دوه کلن ماشوم ژغورل شوی دی.
څانګه، هغه ړنده نجلۍ چې د زړه په سترګو ویني او په لاسونو تخلیق کوي
څانګه هوتک په کابل ښار کې هغه نجلۍ ده چې په ماشومتوب کې یې په یوه پېښه کې د سترګو لید له لاسه ورکړی خو هغې دا پېښه د ژوند پای ونه ګڼله، بلکې په داسې لاسونو چې اوبدي، زدهکړه او تخلیق کوي، په خپل ژوند کې یې نوې دروازې پرانیستې دي او خپله تیاره نړۍ کې یې د هېلې ډېوه روښانه کړې ده.
سمنګان کې د څښاک او کرنې لپاره د اوبو کمښت خلک اندېښمن کړي
د سمنګان یو شمېر اوسېدونکي په دغه ولایت کې د څښاک او کرنې لپاره د اوبو د کمښت په اړه اندېښنه څرګندوي او په دې برخه کې د حکومت د جدي اقدام غوښتنه کوي خو مسوولین وايي چې دې ستونزو ته به رسېدنه وکړي.
د لوګر امر بالمعروف ریاست د موسیقۍ ۵۰۰ الې وسوځولې
د لوګر ولایت د امر بالمعروف، نهې عن المنکر او شکایتونو اورېدو ریاست وایي چې په تېر یوه کال کې له دغه ولایت مرکز پلعلم او ولسوالیو څخه سلګونه د موسیقي آلې او وسایل راټولې کړې او نن یې وسوځول.
ننګرهار کې د اسان خدمت مرکز پرانیستل شو
د افغانستان د احصایې او معلوماتو ملي اداره وايي چې خلکو ته د اسانتیاوو برابرولو او په چټکۍ د عامه خدمتونو د وړاندې کولو په موخه ننګرهار کې د اسان خدمت مرکز پرانیستل شو.
کندهار کې تر درملنې لاندې لسګونه روږدو حرفوي زدهکړې ترلاسه کړې
د کندهار د روږدو درملنې په ۱۰۰ بستریز روغتون کې چې د اروپايي ټولنې په مالي مرسته فعال دی، پر نشهیي توکو څلوېښت روږدو کسانو د درملنې تر څنګ حرفوي زدهکړې هم ترلاسه کړې دي.
مسوولین: ډېری ځوانان په هېواد کې د ناسمو دودونو له امله ناقانونه مهاجرت ته اړ کېږي
لوګر کې د ناسمو دودونو مخنیوي په موخه جوړه شوې یوه غونډه کې د دغه ولایت مسوولینو او قومي مشرانو ویلي چې په ټولنه کې د ناسمو دودونو له امله هر کال لسګونه ځوانان په ناقانونه ډول بهرنیو هېوادونو ته ځي او په لارو کې له بېلابېلو خطرونو سره مخ کېږي.
جلالاباد ښار کې دوه نوې ناحیې رامنځته کېږي
د جلالاباد ښاروالي وايي، تېر لمریز کال کې یې ۵۸۰ میلیونه افغانۍ عواید راټول کړي، دغه راز د ښاري پراختيا په موخه یې د دوو نوو ناحيو رامنځته کولو پلان جوړ کړی چې د رياستالوزرا له تایید وروسته به پلی شي.
بلخ کې تېر کال څه باندې سل زره ټوکه پاسپورټونه وېشل شوي
د بلخ ځایي مسوولین وایي، تېر ۱۴۰۳ لمریز کال یې په دغه ولایت کې شاوخوا سل زره ټوکه پاسپورټونه وېشلي او څه باندې ۴۰۰ بهرنیو وګړو ته یې ویزې ورکړې دي.
جوزجان کې قومي جرګې د دوو کورنیو لس کلنې دښمنۍ ته د پای ټکی کېښود
د یوې قومي جرګې له لارې د جوزجان په مرکز شبرغان ښار کې د دوو کورنیو ترمنځ لس کلنې دښمنۍ ته د پای ټکی کېښودل شو؛ د دواړو کورنیو غړو یو بل ته بښنه وکړه، دښمني او کینه یې له منځه یووړه او سوله یې وکړه.
د نورستان کانتیوا کې د یوازېنۍ مخابراتي پایې نړېدل؛ خلک له مخابراتي خدمتونو بېبرخې شوي
د نورستان کانتیوا ولسوالۍ یو شمېر اوسېدونکي وايي، په دغه ولسوالۍ کې د سختو بادونو له امله د یوازینۍ مخابراتي شبکې پایه نړېدلې او له نږدې یوې اونۍ راهیسې له مخابراتي خدمتونو محروم دي.
حنفي محتسبینو ته: د ټولنې ذهنیت جوړولو ته کار وکړئ، له زور او جبر کار مه اخلئ
د امر بالمعروف نهی عن المنکر او شکایتونو اورېدو وزارت سرپرست نن په یوه خبري غونډه کې د دغه وزارت محتسبینو ته په لارښوونه کې وویل چې د ټولنې ذهنیت جوړونې لپاره دې کار وکړي او له زور او جبر څخه دې کار نه اخلي.
د لغمان د الیشنګ ولسوالۍ زرګونه کورنۍ پر الیشنګ سیند د پل جوړېدو غوښتنه کوي
د لغمان د الیشنګ ولسوالۍ د ۱۲ کلیو اوسېدونکي چې اوس له لرګیو څخه پر یوه جوړ شوي پل له سیند تېرېږي، وايي چې معیاري پل دې ورته جوړ شي؛ ځکه کله چې اوبه ډېرې شي، د لرګیو پل ویجاړوي او بیا اړ دي د مهترلام ښار تر عمومي سړکه دوه ساعته پلی مزل وکړي.
د خوست یو شمېر اوسېدونکي په «ادمامد» تفریحي سیمه کې د ځنګلونو وهلو د مخنیوي غوښتنه کوي
د خوست یو شمېر اوسېدونکي غوښتنه کوي چې د دغه ولایت د تڼیو ولسوالۍ په «ادمامد» تفريحي سيمه کې دې د ځنګلونو وهلو مخنیوی وشي، خو سیمهییز مسوولین وایي چې تر ډېره یې د دې چارې مخه نیولې ده.
اروزګان کې د دوو کورنیو ترمنځ دښمني پای ته ورسېده
د اروزګان په خاصاروزګان ولسوالۍ کې د دوو کورنیو ترمنځ شپږ کلنه دښمني د قومي مشرانو، دیني عالمانو او سیمهییزو مسوولینو په هڅو او منځګریتوب پای ته ورسېده.
د پژواک د یوه راپور له خپرېدو وروسته نیمروز کې د یوه کلي اوسېدونکو د څښاک اوبو ته لاسرسی پیدا کړ
په نیمروز کې د وچکالۍ په اړه د پژواک د یوه راپور له خپرېدو وروسته چې ځيني کورنۍ کډه کېدو ته اړې شوې وې، یوه خیرخواه کس د دغه ولایت د یوه کلي د اوسېدونکو د څښاک پاکو اوبو د ستونزې هواري په موخه څاه وکنله او خلک یې د اوبو راوړلو په موخه له دوه ساعته مزله خلاص کړل.
کندوز کې په تېر یوه کال کې څه باندې ۷ زره کورنیو د څښاک پاکو اوبو ته لاسرسی موندلی
د کندوز د کلیو پراختیا او بیارغونې ریاست وايي چې په تېر یوه کال کې د دغه ولایت په مرکز او یو شمېر ولسوالیو کې د اوبو رسولو ۱۱ شبکو په جوړولو سره څه باندې ۷ زره کورنیو ته د څښاک پاکې اوبه برابرې شوې دي.
د خوست خلبيسات مېله کې سلګونو کسانو ته د کاروبار زمینه برابره شوې
د خوست د صبريو یعقوبیو ولسوالۍ د خلبیسات مېله چې هره پنجشنبه جوړېږي، د سوېلختیځ زون تر ټولو لويه سوداګريزه مېله بلل کېږي چې سلګونو کسانو ته د کاروبار زمینه په کې برابره شوې ده.
د قزاقستان د بشري مرستو یوه جوپه بلخ ته ورسېده
کابل کې د قزاقستان شارژدافیر وایي، د دغه هېواد د بشري مرستو جوپه چې په کې خوراکي او غیر خوراکي توکي شامل دي، د حیرتان بندر له لارې بلخ ته رسېدلې ده.
عدلیې وزارت: له هغو کسانو سره به قانوني چلند وشي چې خپل کورونه په لوړه کرایه ورکوي
عدلیې وزارت ویلي، په وروستیو ورځو کې یې د معاملاتو د لارښوونې دفترونو او د ملکیتونو مالکینو له خوا د لوړو کرایو او ډېر کمېشن اخیستو په اړه شکایتونه ترلاسه کړي چې هېواد ته د کډوالو د راستنېدو له لړۍ د ناوړې استفادې ښکارندویي کوي.
د ترافیکو عمومي ریاست: ټکسيچلوونکي دې له سرغړونو ډډه وکړي
د ترافیکو عمومي ریاست وایي چې ټکسيچلوونکي دې له شخصي موټرو د ټکسي په توګه د استفادې له ممنوعیته ناوړه استفاده نه کوي، که نه له قانوني چلند سره به مخ شي.
پکتيا کې لسګونو کسانو ته د حرفوي زدهکړو پروګرام پیل شو
د پکتیا سیمهییز مسوولین وایي، په دغه ولایت کې ۲۸۰ ځوانانو ته د حرفوي زدهکړو شپږ میاشتنی پروګرام پيل شو.
د امو سیند تخریباتو د بلخ د شورتېپې ولسوالۍ خلک اندېښمن کړي
د بلخ د شورتېپې ولسوالۍ اوسېدونکي وایي، که څه هم د امو سیند د تخریباتو مخنیوي لپاره له دې مخکې استحکاماتي چارې ترسره شوې خو وايي، لا هم د سیند څپې د دوی ځمکي، کورونه او ژوند ګواښي.
