د سوداګرۍ او صنعت وزارت هېواد ته د بېرته راستنېدونکو کډوالو د اقتصادي ادغام بهیر کې د اسانتیا راوستو په موخه له بېلابېلو موسسو سره د همکارۍ پنځه هوکړهلیکونه لاسلیک کړي چې څه باندې ۲۰ زره کسان به ترې برخمن شي.
لوګر کې سیمهییز مسوولین وايي چې دغه ولایت لپاره د ملي بس شرکت خدمات له لس کلن ځنډ وروسته یو ځل بیا پیل شول.
د افغانستان بانک اعلان وکړ چې هرات کې یې د ۶۶۰ میلیون او ۷۰۰ زره افغانیو په ارزښت زاړه بانکنوټونه سوځولي دي.
د ا.ا د مشرتابه په مشرۍ د اقتصادي کمېسیون په دویمه غونډه کې په کال کې د شپږو میاشتو لپاره بهرنیو هېوادونو ته له افغانستانه د څارویو صادرولو اجازه ورکړل شوه او دغه راز د چارو ادارې ته یې دنده سپارلې چې پانګهوالو ته د چارو اسانولو لپاره یو جامع طرزالعمل جوړ کړي.
د ټولګټو وزارت مسوولین وایي چې په تېر یوه کال کې افغانستان ته د بلخ ولایت حیرتان بندر له لارې لس زره کانټینره سوداګریز توکي راغلي دي.
د پنجشېر د زمردو په ۳۷مه داوطلبۍ کې ۳۲۹۵ قیراطه زمرد په ۲۲۶ زره امریکايي ډالرو وپلورل شول او چیني سوداګرو د دغه ولایت له والي سره په لیدنه کې د کانونو برخه کې د پانګونې لومړنۍ طرحې وړاندې کړې.
د صنعت او سوداګرۍ وزارت وایي چې تېر ۱۴۰۳ کال کې د هند او افغانستان ترمنځ د ۸۹۰ میلیون امریکايي ډالرو په ارزښت سوداګریزه راکړه ورکړه شوې ده.
د افغانستان د کرنې، اوبولګولو او مالدارۍ وزارت وايي چې په تهران کې د ایران او افغانستان د سوداګریزو فرصتونو او وړتیاوو معرفي کولو کنفرانس د ایران د صادراتي وړتیاوو د اووم نندارتون په څنډه کې ترسره شو.
د خوړو نړۍوال پروګرام وايي چې د سويډن د نړۍوالې پراختیا او همکارۍ ادارې په افغانستان کې د ميندو او ماشومانو د تغذیې د ملاتړ لپاره له دغه بنسټ سره ۲،۲ میلیون امریکايي ډالر مرسته اعلان کړه.
بلخ کې یو شمېر صنعتکاران وایي، د دوی تولیداتو ته ورته وارداتي توکو یې کاروبار له سقوط سره مخ کړی او له حکومته یې د دغو توکو پر وارداتو د بندیز لګولو غوښتنه کوي.
د احصایې او معلوماتو ملي اداره وایي چې د تېر لمریز کال په څلورمه ربعه کې د افغانستان د وارداتو کچه درې میلیارده او ۱۴۲،۶ میلیون ډالر او د صادراتو بیا ۴۰۳،۹ میلیون ډالره وه.
د ټولګټو وزارت وایي، تېره میاشت د افغانستان د څلورو بندرونو د اوسپنې پټلیو له لارې د ۳۰۶ زره او ۷۶۵ مټریک ټنه توکو انتقالات شوي دي.
نن کابل ښار کې د تېرې شاوخوا یوې اونۍ په نسبت د سرو زرو بیې ټیټې شوې خو د نورو لومړنیو توکو په بیو کې بدلون نه دی راغلی.
په افغانستان کې د ټاپي پروژې رییس د هرات له والي سره په لیدنه کې ویلي چې په افغانستان کې د ټاپي پروژې ۱۴ کیلومتره پایپ غځونه شوې او د دې پروژې ۲۴ کیلومتره لاره هواره شوې ده.
د ټولګټو وزارت ویلي چې د مزارشریف - حیرتان اوسپنې پټلۍ د ساتنې او څارنې تړون له ازبکستاني شرکت سره د دوو نورو کلونو لپاره نوی شو او دغه راز د دې پټلۍ پر ترمیماتو هم هوکړه شوې ده.
هرات کې یو شمېر متشبثینې وايي چې له ښځو د ځینو نړۍوالو ملاتړکوونکو بنسټونو او په هېواد کې د ځینو بشري پروژو لغو کېدل په دغه ولایت کې د ښځو پر سوداګرۍ او کاروبار منفي اغېز کړی دی.
د افغانستان بانک وايي، راتلونکې شنبه (د غويي ۶مه) د داوطلبۍ له لارې ۱۵ میلیونه امریکایي ډالر لیلاموي.
د صنعت او سوداګرۍ وزارت سرپرست د «قزاق – افغان سودګریزې مجمع» په پرانیستغونډه کې وویل، افغانستان او قزاقستان هوکړه کړې چې په کابل او الماتا کې د ګډو سوداګریزو مرکزونو رامنځته کولو ترڅنګ باید د دواړو هېوادونو ترمنځ د سوداګرۍ کچه درې میلیارد ډالرو ته ورسېږي.
د پنجشېر ځایي مسوولین وایي چې د دغه ولایت د لومړۍ حصې او پریان ولسوالیو اړوند د زمردو ۲۱ نوې کاني ساحې تثبیت شوې دي.
د ریاستالوزراء اقتصادي مرستیال د قزاقستان د لومړي وزیر له مرستیال سره په لیدنه کې افغان سوداګرو ته د ویزو ورکړې، د دواړو هېوادونو ترمنځ د پروازونو پيل، بانکي همکاریو، د ترانزیټ او دوه اړخیزې سوداګرۍ زیاتېدو په اړه خبرې کړې دي.
د افغانستان بانک مسوولین وایي، هڅه کوي په ټول هېواد کې مالي خدمتونو ته د خلکو لاسرسی اسانه او د سیمهییز اقتصاد د ودې لپاره کار وکړي.
د صنعت او سوداګرۍ وزارت خبر ورکوي چې د روان کال د غویي میاشتې په دویمه نېټه په کابل ښار کې «د افغان - قزاق سوداګریز نندارتون» جوړېږي.
اقتصادي کمېسیون د کانونو سکټور د عوایدو تګلارې مسوده او په بلخ کې د ۸۰ میلیون افغانیو په پانګونې سره د سوداګریز مارکېټ جوړولو طرحه تایید کړه او د اوبلن ګاز تاسیساتو جوړولو کړنلارې او د کارګو او پوستي شرکتونو د تخلفاتو مخنیوي لپاره یې کمېټې وټاکلې.
د بهرنیو چارو وزارت وایي، د افغانستان او قزاقستان ترمنځ په تېرو درېیو کلونو کې دوهاړخیزه سوداګري زیاته شوې او اوسمهال یې کچه نږدې یو میلیارد ډالرو ته رسېدلې او ټاکل شوې د سوداګرۍ دغه کچه په راتلونکو کلونو کې تر درې میلیارد ډالرو پورې ورسېږي.
