نورالله ځاځی

د افغانستان د رېل‌پټلۍ اداره وايي، په تېره مرغومي میاشت کې د رېل‌‌پټلۍ له لارې څه باندې ۴۶۴ زره مټریک ټنه توکي هېواد ته وارد او څه باندې ۱۶ زره مټریک ټنه توکي بهر ته صادر شوي دي.

د عامې روغتیا وزارت چارواکي د هېواد په ۱۶ ولایتونو کې د ماشومانو د ګوزڼ یا پولیو ضد واکسین کمپاین د پیل خبر ورکوي.

د افغانستان مرکزي بانک سبا د سلواغې په ۲مه، ۱۴ میلیون امریکایي ډالر د داوطلبۍ له لارې لیلاموي.

د ملګرو ملتونو د بشري مرستو همغږۍ اداره (اوچا) وايي، په افغانستان کې به په روان ۲۰۲۳ زېږدیز کال کې څه باندې ۲۸ میلیون وګړي بشري مرستو ته اړتیا ولري.

د افغانستان د فوټبال ملي فدراسیون وایي، د هېواد د ساحلي فوټبال ملي لوبډله د اسیا د ملتونو جام او نړۍوال جام په سیالیو کې د ګډون لپاره تمرینات پيل کړي دي.

د ازموینو ملي ادارې مشر د دغې ادارې له مسوولینو غوښتنه کړې چې د راتلونکي لمریز کال د کانکور ازموینې لپاره د پوښتنو بانک د اصلاح او نوي کولو چارې چټکې کړي.

د ریاست‌الوزراء اداري مرستیال وایي، ملګرو ملتونو د تور لیست حذفولو، د «اسلامي امارت» په رسمیت پېژندلو او په دغه سازمان کې د افغانستان د دایمي استازولۍ د ورسپارلو په برخو کې لازمه همکاري نه ده کړې.

په افغانستان کې د اغا خان بنسټ استازی وایي، د تېرو کلونو په څېر په دغه هېواد کې خلکو ته د کاري فرصتونو برابرولو ترڅنګ د روغتيا، انرژۍ او بشري چارو په برخو کې خپلو فعاليتونو ته دوام ورکوي.

د رياست‌الوزراء اداري مرستيال د ژغورنې نړۍوالې کمېټې/ IRC له مرستیالې سره په لیدنه کې غوښتنه کړې چې پر نشه‌يي توکو روږدو په ټولولو او درملنه کې له «اسلامي امارت» سره مرسته وکړي.

کابل (پژواک، ۲۷ مرغومی ۱۴۰۱): د کابل ښار په اوومه او دولسمه ناحیو کې د څه باندې ۶۵ میلیون افغانیو په لګښت، د سړکونو او